Òb czas dérowaniô XXXI Kaszëbsczi Piélgrzimczi na Jasną Górã, codzyń òd 26.07.12 do 12.08.12 w parafie pn. sw. Wawrzińca w Lëzënie, pò wieczorny sw. mszë, tj. kòl. 18.40, mdze òdmawiany różańc w kaszëbsczim jãzëkù.
24 czerwińca 2012 je datum zôczãcô co miesãcznëch kaszëbsczich mszów swiãtëch w parafie pn sw. Wawrzińca w Lëzënie. Msze mają bëc òdprôwiané wiedno w slédną niedzelã miesądza, piãtnôsce po pierszi. Jesmë fùlni wiarë w gwôsné sëłë a òsoblëwie w Bògã, że nama sã ùdô, tim barżi że wkół se mómë wielné karno przëstojników.
Latos, òbrzãd „Scynanie Kanie” béł sã pierszi rôz òdbéł w Lëzënie, ò co miôł starã „Zymk” - teater młodëch. W widzwiszczu ùdzil wzãło 13 lëdzy ë Kania, jakô pò òbsądze òstała scãtô ë wrzuconô do ògniszcza. Cało rozegracjô warała pół gòdzënë. Òbrzãd nen, prosto parłãczony z wiliją sw. Jana, mòże bëc wëstawiany nie blós w tim dniu, a w cządze wkół negò swiãta.
Strona korzysta z plików cookies w celu realizacji usług i zgodnie z Polityką Prywatności. Możesz określić warunki przechowywania lub dostępu do plików cookies w Twojej przeglądarce. Kliknij na to powiadomienie, aby je zamknąć.
Menu
