Klub Młodëch Kaszëbów „Òska” z Lëzëna

W Gòscyńcu „Czardasz” w Lëzënie, 28 stëcznika 2017 rokù, òdbéło sã założeniowié zéńdzenié Klubù Młodëch Kaszëbów „Òska”, chtërne bãdze fónksnérowac przez lëzyńsczim parce Kaszëbskò-Pòmòrsczégò Zrzeszeniô. Założeniowié spòtkanié Klubù „Òska” to pierszi brzôd Kòngresu Młodëch Kaszëbów, jaczi òdbéł sã w Kartëzach w lëstopadnikù 2016 rokù, a w jaczim tedë ùdzél wzãło 180 sztëk młodëch lëdzy z całëch Kaszëb, chtërnié gôdalë ò przińdocë Kaszëb i czerënkach dalszégò dzejanégò. Òrganizatórama spòtkanégò w Lëzënie bëlë: Kaszëbskò-Pòmòrsczi Zrzeszenié Part Lëzëno, Kaszëbskò-Pòmòrszczi Zrzeszenié Part Banino i Klub Młodëch Kaszëbów „Cassubia”.

W wëdarzenim ùdél wząło szescdzesąt sztëk lëdzy, jaczi w sercu sã czerëją za dobrã Kaszëb. W spòtkanim ùczãstniczëlë: senatora Kadzmiérz Kleina, dr Eùgeniusz Prëczkòwsczi, Elżbiéta Prëczkòwskô, Róbert Groth, Wérónika Kòrthals-Tartas, Artur Jabłońsczi, Karól Róda, przedstôwcë partów Kaszëbskò-Pòmòrszczégò Zrzeszeniô, Klubù „Pòmòrania”, Kaszëbsczi Jednotë, jinszich kaszëbsczich òrganizacjów i òsobë chtërnë dopiérzë rozpòczënają swòji dzejanié w Kaszëbiznie. 

Pòdczas zéńdzenégò zaspiéwanô òstôł „Himn młodëch” (sł. E. Prëczkòwsczi, mùz. Jerzi Stachùrsczi) i òdbéłë sã wëbòrë przédnika i zarządu Klubù. Przédnikã òstała Katarzëna Kankòwskô-Filëpiôk. W skład zarządu weszlë: Adóm Hébel, Patrik Mùdlawa, Tomôsz Czapp, Sławòmir Jankòwsczi, Wòjcech Sczerka i Michôł Miłka.

Wôżnym célã dzejanégò nôlëżników Klubù „Òska” je dążenié do współrobòtë z partami i klubami Kaszëbskò-Pòmòrszczégò Zrzeszeniô (òsoblëwie KPZ P/Banino i KMK „Cassubia”), ale téż stowôrama chtërne różnią sã drogama doprzińdzeniégò do célów òd KPZ (m. jin. Kaszëbskô Jednota), a dlô jaczich wôżné je dobro Kaszëb.

„Òska” rôczi wszëtczich do współrobòtë dlô przińdotë Kaszëb!

Program zéńdzeniégò KMK „Òska” w Lëzënie

Lëzëno, Gòscyńc „Czardasz”, 28 stëcznika 2017 r., gòdz. 5.00 pò pôłnim

1. Pòwitanié ùczãstników zéńdzeniégò

2. Wëbór przédnika zéńdzeniô

3. Przedstawienié célów zéńdzeniégò, ùdbë i célów dzejaniô przë twòrzenim Karna Młodëch Kaszëbów w Lëzënie

4. Głosë rôczonëch gòscy (I):

a) Róberta Groth

b) Artura Jabłońsczégò

5. Materiôł filmòwi

6. Głosë rôczonëch gòscy (II):

a) Eùgeniusza Prëczkòwsczégò

b) Elżbiétë Prëczkòwsczi

6. Przedstawienie regùlaminu Karna

7. Òficjalné założenié Karna Młodëch Kaszëbów w Lëzënie

8. Himn młodëch

9. Wëbór kòmisji skrutacyjny

10. Wëbór przédnika Klubù

11. Wëbór nôleżników zarządu

12. Prezentacjô ùchwôlënkù Karna

13. Wëbiéranié nôleżników Kòmisji Rewizyjnej

14. Przedstawienié planów nôblëższégò dzejaniô – przédnik Klubù

15. Wòlné wniosczi i głosë

16. Dzél artisticzny:

a) Wérónika Kòrthals-Tartas

b) Kabaret „Kùńda”

17. Ùroczëstô wieczerzô

WITÓMË W LËZËNIE!

Adresa Partu

Kaszëbskò-Pòmòrsczé Zrzeszenié
Part w Lëzënie

ul. Młyńska 75

84-242 Luzino

tel. 697 540 285

e-mail:

am_bistron@poczta.onet.pl

Adresa KMK "Òska"

Klub Młodëch Kaszëbów "Òska"

ul. Żeromskiego 12

84-242 Luzino

e-mail: kmkluzino@gmail.com

tel. 503 007 295

http://www.mlodi-kaszebi.info/

e-mail: mlodikaszebi@gmail.com

Zemia Rodnô

Jan Trepczik

Kaszëbsczi marsz

Hieronim Derdowsczi

Himn młodëch

sł. Eùgeniusz Prëczkòwsczi

mùz. Jerzi Stachùrsczi